21 percent na sang target nga mabakuhan sang probinsya ang nalab-ot. Siudad naman sang La Carlota ang pinaka mataas nga nalab-ot sa target population nga mabakunahan.
Sa October 19 vaccination performance evaluation report nga gin pa gwa sang Negros Occidental, 377,318 ka mga persona ang tigayon na nga nabakunahan sang Covid-19 vaccines. 21 percent ini sa 1.8 million nga target mabakunahan sang Negros Occidental.
Ang siudad naman sang La Carlota ang may pinaka mataas nga nalab-ot mabakunahan bahin sa target population. 42 percent sa target ang ila nabakunahan. Naga sunod naman ang Silay, 37 percent, Victorias 36 percent kag Talisay 34 percent.
Padayon ang kampanya para sa pagpabakuna, kay suno kay provincial administrator Rayfrando Diaz luyag nila nga pati sa weekend makapatuman sang vaccination program bangud nga madamo sang available sa amo nga mga tion bangud wala sang trabaho.