Indi magnubo sa 6 billion pesos ang gin-report naganar gikan sa turismo sang 2023.
Nagsaka man sa 36 percent ang tourist arrivals.
Suno kay Provincial Tourism Officer Cheryl Decena masiling na nga ang tourism industry tigayon na nga naka recover humalin sang nag-igo ang pandemic.
Ang datus nga gin-present 90 percent pa lamang sa kabilugan nga ginapaabot report para sa overnight tourists sa 2023, gani magasaka pa ini.
Sang 2022, 510,022 ang overnight tourist arrival.
Sa partial nga datus para sa 2023, 692,190 ang overnight tourist arrival.
Gani, ang indi magnubo sa 6 billion pesos nga gin-report income nag gikan sa gin gasto sang mga overnight tourist sa ila hotel accommodation, pagkaon, transportation, souvenir items nga gin pamakal kag iban pa.
Samtang ang partial unofficial report para sa day visitors sang 2023 mga 2million.
Suno kay Decena 75 percent pa lang ini sa ila gina paabot nga report.
Sang 2022 sa bilog nga tuig 1.7 million ang day tourists.
Ang na ganar gikan sa day tourists sa 2023 wala pa nalakip sa inisyal nga 6 billion pesos nga income.
Nagapati si Decena nga kun ma kumpleto na ang report malapawan sang 2023 income ang 7 billion pesos nga income nga ginreport sang 2022.
Nalakip sa mga top contributing LGUs amo ang Sipalay, San Carlos, Kabankalan, Silay, Cadiz kag Talisay.