Mga 2,000 ka mga pulis ang iga deploy sang Police Regional Office-Negros Island Region para sa “Trillion Peso March” sa Domingo nga adlaw, Nobyembre 30.
Ginpahayag sang PRO-NIR nga ang deployment kabahin sang ila full security kag public safety plan activity.
Sa Bacolod City, ginsiling sang mga organizer nga ginapaabot nila ang 12,000 ka mga pumuluyo nga maga pakigbahin sa martsa kontra korapsyon sa Bonifacio Day.
Suno sa PNP, ila nga gina respeto ang kinamatarong para sa peaceful assembly samtang gina pasiguro ang order kag safety.
Nalakip sa security plan ang crowd control operations, traffic management, emergency response kag monitoring sang possible threat.
Ginsiling sang PRO-NIR nga wala naman sang major threat concerns nga na identify sa karon pero ang rehiyon ipaidalom sa heightened alert.
Gina panawagan naman ang participants nga mag cooperate sa pulis sa amo nga pagtililipon.*