Padayon nga gina bulong karon sa ospital ang 32 anyos nga si Ronald Obrique matapos ini gin tiro sang iya man mismo nga tiyo sa Barangay Camandag sa La Castellana kagab-i.
Sa imbestigasyon sang La Castallena PNP, gin hangkat sang naka inum nga tiyo nga nga si Petronilo Obrique sang inaway ang iya sini hinablos gani siya ang pagwaan sang binangon sang biktima.
Nag puli ang tiyo suno sa pulis kag sa pag balik, siya ang may dala na armas kag iya gin tiro ang hinablos. Nag surrender na sa pulis ang tiyo.
Samtang, pilason man ang 61 anyos nga si Michael Sepe sang ini ang matiruhan kagab-i sa Barangay Haguimit sa La Carlota.
Suno sa pulis, nag usisa lang si Sepe kag ang iya nga upod sang maka bati sang pag linupok sa dalan.
Samtang naga tan-aw sa dalan, gilayon na lang sila naka bati sang lupok gikan sa ila likod. Naigu sang bala sa iya likod si Sepe. Wala pa makilal-an kun sin-o ang naka tiro sa iya.