Gindala sa ospital ang duha ka mga driver sang motorsiklo matapos makaangon sang pilas sa nagluntad nga bungguanay sa Barangay Consuelo sa banwa sang Ilog, Lunes sang hapon.
Sa imbestigasyon sang Ilog PNP, nag-overtake sa tricycle ang motorsiklo nga ginamaneho sang 26-anyos, apang wala niya mayo na-calculate ang distansya kag naiguan ang nawala nga handlebar sang tricycle nga ginamaneho sang menor de edad.
Bangud sini, nadulaan sang control sa motorsiklo ang lalaki kag nakabunggo sa isa pa gid ka motorsiklo nga ginamaneho sang 27-anyos nga kolektor.
Ang kolektor ang may angkas nga 25-anyos.
Ginsiling ni Major Randy Babor, hepe sang Ilog PNP, nakagwa na ang mga pilason nga driver kag sila ang naga-plano nga mag-aregluhanay.