Duha patay matapos sa separado nga pag pamuno tuga sang linalisay sa Negros.
Patay ang 32 anyos nga si Marjun Paclibar matapos bun-on sa iya nga talamnan sa Barangay Talacdan sa Cauayan kahapon.
Suno sa pulis, hinali lang nag abot ang mag amay nga Romelo kag Romeo Basilio kag nagbaisay sila sang biktima.
Ila na lang gilayon gin buno si Paclibar nga nag resulta sa iya kamatayon.
Madugay na nga naga away suno sa pulis si Paclibar kag ang mga suspek.
Samtang, patay man ang 59 anyos nga si Nathaniel Cabahug senior matapos gin buno gamit ang screw driver sang iya nga kaingod sa Barangay Santa Mesa sa Manapla sang Dominggo.
Suno kay Major Joevito Bose, hepe sang manapla pnp, nag baisay ang biktima kag ang suspek nga si Arnold Castillo sang hinali na lang bun-on sang suspek sa dughan si Cabahug.
Madugay na nga may indi pag intyindihanay ang mag kaingod suno kay Bose.