Nasapwan kaina sang aga ang bangkay sang isa ka lalaki nga na missing kahapon matapos mag pangisda sa suba sa Barangay Singcang Airport sa Bacolod.
Kahapon sang aga sang mag panakop sang isda sa suba ang 31 anyos nga si Eddie Paclipan apang wala na ini makapauli. Kaina sang aga, ang iya bangkay nasapwan sa amo nga suba.
Posible gin atake sang epilepsy ang biktima kag nalumos suno sa pulis. Samtang, nasapwan man nga naga lutaw – lutaw sa tunga sang lawod kahapon sang kaagahon ang bangkay sang mananagat nga si Rodolgo Gallego sa Barangay Talacagay sa banwa sang Hinoba-an.
Suno sa PNP, Miyerkules sang nag paligo sa dagat si Gallego sa Sipalay City ugaling wala na ini makapauli. Posible gin atake sa kurason kag nalumos si Gallego kag gin anod na pakadto sa baybay sa Hinoba-an.