Patay ang 31 anyos nga si Angelo Tamparong matapos gintiro sang kagab-i sang riding in tandem sa Purok Grasya sa Barangay Singcang Airport.
Sa imbestigasyon sang Police Station 8, gikan sa balay sang iya anay live in partner si Tamparong para mag bisita kun tani sa iya anak pero nagpauli man ini gilayon
bangud sa wala siya gin sapak sang partner na sa karon sang iya anay live in partner.
Sang nagapanglakaton sa dalan, didto na siya gin pondohan sang riding in tandem kag gintiro sang backrider nga nag resulta sa iya kamatayon.
Samtang, patay man ang 38 anyos nga si Audie Gonzaga matapos ini tiruhon sang riding in tandem sa Purok Kabugwason sa Barangay Mansilingan sang Biyernes.
Suno sa hepe sang Police Station 7 nga si Police Captain Elmer Bonilla, nagapanglakaton lang sa kilid sang dalan si Gonzaga agud mag bakal kun tani sang panyapon
sang siya ang gin pondohan sang duha ka persona nga sakay sa motor kag gin tiro sang makapila ka beses.
Anum ka basiyo kag tatlo ka deformed slugs sang 45 caliber pistol ang nakuha sa crime scene.
Suno kay Bonilla, inug subject pa kun tani sang pulis sa buybust operation si Gonzaga nga damlag pa na preso man sa kaso may kaangtanan sa iligal nga droga.
Mahimo drug related ang motibo sa pag patay sa iya suno kay Bonilla.