Patay ang 2 ka mga persona matapos makabunggo ang ila ginasakyan nga Awto sa ginasugata nga trailer truck sa highwaY sang Prk. Malipayon, Brgy. Atipuluan, sa Bago City sang Sabado.
Dead on the spot ang driver sang awto nga si Ralph Estrevello samtang sa ospital naman napatay ang 11 anyos nga bata. Pilason ang bata sang drayber nga 13 anyos.
Sa imbestigasyon sang PNP, nagadalagan ang awto pa-norte sang sang ini ang makabungo sa ginasugata nga 22-wheeler truck sa kurbada nga bahin sang dalan. Gin detain ang drayber sa Bago PNP.
Suno kay Senior Master Sargeant Job Ogares, chief investigator sang Bago PNP, ang dalan ang ila ginakabig accident prone bangud sang pila na ka mga aksidente nga nag luntad sa amo nga dalan.
Sa amo man nga dalan nag luntad ang pagkapilpil sang isa ka truck sa awto kun sa diin 4 ka miyembro sang pamilya ang napatay tuig 2017.
Suno kay Ogares masami abi nga madasig ang pagpadalagan sang salakyan gikan sa taytay kag paglapaw sa kurbada, ang iban wala makahibalo nga may bangga na.
Nagalapaw man sa lane samtang naga liko sa kurbada ang iban gani naga ka aksidente.
Ginapanawagan sang PNP nga mag hinay hinay lang kun mag labay sa amo nga dalan agud malikawan ang aksidente