Shadow

Mga kolehiyo kag unibersidad sa bacolod pwede na makabalik sa full face to face classes sa idalom sang Alert level 1

Naghatag na sang pahanugot si Presidente Rodrigo Duterte para sa full face to face classes sa tertiary schools nga napaidalom sa Alert Level 1.

Gani suno kay Dr. Edwin Miraflor,officer in charge sang City Health Office, pwede naman masugdan sang mga unibersidad kag kolehiyo sa siudad ang pagpatuman sang face to face classes sa idalom sang new normal nga wala na ginakinahanglan sang inspection kag approval gikan sa mga natungdan nga ahensya.

Sang Sabado wala sang na record nga Covid-19 case ang Bacolod.

Gani kumpyansa ang pamunuan sang Emergency Operations Center nga magpabilin sa Alert Level 1 ang Bacolod tubtob matapos ang bulan sang Marso.

Secured By miniOrangeSecured By miniOrange