Patay ang 36 anyos nga si Percy Lugay kag 34 anyos nga si Robert Gabonada, samtang pilason naman ang amay ni gabonada nga si rudy matapos sila pang labuon kag bun-on sang ila kaingud sa Barangay Nabulao sa siudad sang sipalay sang martes.
Sa imbestigasyon sang pulis, una nga gin sulong sang suspek nga si Douglas Gaboya si lugay nga naga tan-aw lang sang telebisyon sa sulod sang balay sang ginlabo siya ni Gaboya.
Sunod naman nga gin sulong sang suspek ang balay sang mag amay nga gabonada. Iya gin buno ang anak nga si Robert sa dughang kag gin buno kag labo naman ang amay nga si Rudy.
Dead on arrival sa ospital si lugay kag robert samtang padayon pa nga ginabulong sa ospital si rudy.
Nag palagyo pa ang suspek pero siya ang naaresto man sa Hinobaan.
Suno kay Police Major James Latayon, hepe sang sipalay pnp, ila pa gina hibalo kun ano ang motibo ni Gaboya sa pag pang labo bangud sa wala man sila sang pag inaway sang mga biktima base sa ila pag pangusisa.
Kaso nga frustrated murder kag 2 counts of murder ang ipasaka batuk sa suspek.