Duha ka mga stall sa Manokan Country ang natalana nga serbehan sang closure order sang City Legal Office sang Bacolod. Natapos na ang plaso nga ginhatag sang siudad sa duha ka mga naga renta sang stall sa Manokan Country gani kun indi subong nga adlaw, sa buas serbehan sila sang closure order sang siudad.
Suno sa kay City Legal Officer Romeo Carlos Ting, Jr., wala gid may nabayad nga kantidad ang naga renta sang amo nga mga stall kag ang isa sa ila ang nagpadulong sa Bacolod City Government Center sang Biernes indi para magbayad kundi para may ayo pa gid sang extension.
Samtang, may dose pa gid ka mga naga renta sang stall ang kulang pa ang bayad sa siudad. Kalabanan sa mga rason sang mga naga renta nga pigaw ang ila nga income. Damlag pa ginpapanaugan sang closure order ang mga stall owner bangud sang kapaslawan nga mag bayad sang renta sa siudad sa sulod na sang pila ka tuig pero padayon nga naga negosyo sa manokan.