Indi lamang sa mga empleyado sang siudad regular nga naga patigayon sang drug testing ang San Carlos City kundi nalakip naman diri ang mga Persons Who Used Drugs nga naka kumpleto na sang ila nga community-based drug rehabilitation program.
Sa pahayag nga gin pa gwa sang LGU, nagpatuman sang monitoring activity ang San Carlos City Anti-Drug Abuse Council sa mga PWUD sa Barangay Codcod sadtong Disyembre 6.
Indi magnubo sa 15 ka mga PWUD nga naka kumpleto sang ila nga community-based drug rehabilitation program sadtong Hunyo 9, 2023 ang nagpaidalom sa random drug testing kag duha sa ila ang nagpositibo.
Tuyo sang monitoring activity suno kay Mitos Vepinosa sang SCCADAC nga ma track ang progress sang PWUD kag ma assess man sila.