Wala na sang mapasirad-an nga stall sa Manokan Country matapos nagbayad sa ila utang ang duha ka tenant antes sang deadline.
Antes pa man sang gintalana nga deadline karon nga adlaw, tigayon nga nakabayad sang tag 50,000 pesos ang duha ka mga tenants sang Manokan Country nga naserbehan sang
notice to pay ang vacate. Ang duha ka mga tenant ang napaslawan nga magbayad sang bulanan nila nga utang amo nga gin-serbe sa ila sadto ang notice to pay and vacate.
Sandig sa napirmahan nila nga compromise agreement upod sa siudad, kinahanglan nila nga bayaran kuntani ang full payment nga nagalab-ot sa kapin P600,000.
Pero nakasugtan sang katapo sang Local Market Committee nga ipaiway anay ang pagpasira sa ila mga stall matapos man nga makahingagaw sila sa pagbayad sang ila monthly arrears.
Katorse tanan ka mga stall owners sa Manokan ang may delinquent accounts nga sa kabilugan nagalab-ot sa P6.8 million.