Malapit sa 500,000 pesos nga balor sang gina dumilian nga pork kag pork meat products kasubong man ginadumilan nga poultry products ang tigayon na intercept sang Task Force sa tatlo ka semana sang Enero.
Sa report ni Dr Placeda Lemana, ang OIC – Provincial Veterinarian, kay Negros Occidental Governor Eugenio Jose Lacson, humalin Enero 1 tubtob 20 sini nga tuig nagdangat sa masobra 226,590 pesos nga poultry products ang na intercept sa Bredco Port kag sa mga quarantine checkpoints sa Kabankalan City.
Nalakip man diri ang 152 ka mga fowl. Damlag pa ginsiling ni Lemana nga hugot man sila naga bantay sa mga baybayon sakop sang 4th District kasunod sang bird flu case sang Guimaras.
Samtang, humalin naman Enero 1 tubtob 22, P268,656 naman ang balor sang gina dumilian nga pork kag pork meat products ang nadakup sa mga seaport kag checkpoint kasubong man sa ginapatigayon nga African Swine Fever monitoring sa mga merkado.
May mga gin ship back may mga ginsunog man sa mga na-intercept.