May duha ka mga Negrense nga gin recommend si Vice Governor Jeffrey Ferrer para mag pamuno sang Sugar Regulatory Administration.
Wala na ginhingadlan pa ni Ferrer kun sin-o ang iya nga gin recommend sa Malacanang, pero ini sila suno sa iya ang masaligan kag may malawig na nga eksperiensya sa industriya. Nagalaum si Ferrer nga gikan sa Negros ang mapilian nga administrator sang SRA.
Damlag pa ginsiling man ni Governor Eugenio Jose Lacson kasubong man ni Rep Emilio Yulo sang 5th district nga mas maayo kun maga gikan sa probinsya ang SRA administrator.
Pila sa mga stakeholders sa sugar industry ang nagapati nga mas maayo kun maga gikan sa Negros bangud sang ihibalo sini sa kahimtanganan kag mga pamaagi, labi na ang ang mga pag panghangkat nga gina atubang sang industriya sang kalamay.
Sa karon nagapungko nga OIC-administrator si Ignacio Santillana.