Wala gin kumpirma ukon gin himutig ni Mayor Salvador Escalante, Secretary General sang United Negros Alliance nga may duha ka mga alkalde sa probinsya nga maga-upod sa ila nga partido.
Suno kay Escalante, indi siya privy sa impormasyon nga may duha ka mga mayor nga maga upod sa UNegA. Sa karon may 14 ukon 15 ka sa 31 ka alkalde ang ila kaupod sa partido. Ang nabilin iya sang Love Negros ukon independent. Maga patigayon pa ang UNegA sang General Assembly kag kun madayon ang Barangay Elections patigayunon ini antes sang piniliay.
Suno kay Escalante, duha man ka tuig kag wala sila makatipon.
Sa pihak nga bahin, para kay 5th District Representative Emilio “Dino” Yulo, malayo pa ang 2028 kag wala pa man sila sang alignment nga gina lantaw.
Wala siya sang may makita nga mabug-at nga basehan nga mag-upod sa local, provincial ukon regional party suno sa iya.
Sang iya nga pag papili sang sugod independent siya. Sang nagligad nga piniliay si Yulo ang nangin partido Lakas.
Wala man sang may nag recruit sa iya gikan sa UNegA ukon Love Negros. Kun may malab-utan na nga kasugtanan ang coalition sang Love Negros kag UNegA para kay Yulo luyag niya man nga masunod ang ginkasugtan.
“I was neither UNegA nor Love and naka survive man ang district nakon, so there is no compulsion for me to join any of the local, regional or provincial party”, suno kay Yulo.
[sibwp_form id=1]