Patay ang 15 kag 13 anyos nga mag- ulutod matapos nga makuryente sa Purok Ipil-Ipil, Barangay Suba, Bayawan City, Negros Oriental kahapon nga adlaw.
Ang 15-anyos isa ka babaye nga Grade 7, samtang ang manghod nga lalaki Grade 5 student.
Sa inisyal nga impormasyon gikan sa PNP, papauli na ang duha gikan sa eskwelahan sang na slide ang 15 anyos kag nahikapan ang livewire sa higad sang dalan.
Buligan siya kuntani sang iya manghod pero sang gin uyatan siya sini, nakuryente man ang 13 anyos.
Gindeklarar nga dead on arrival sa ospital ang mga kabataan.
Tuman naman ang paghilibi-on sang iloy sang maabtan ang bangkay sang iya nga mga bata sa punerarya.
Gina imbestigahan pa sang PNP ang ini nga kaso.