Duha ka lineman sang NOCECO pilason matapos nawad-an sang kontrol ang drayber sang ila mobile bus sa Kabankalan.
Pilason sanday Ralph Vincent Antipatia, driver sang mobile bus kag ang iya kaupod nga si Joemarie Oyos.
Lunsay mga lineman sang Negros Occidental Electric Cooperative ukon NOCECO matapos nga mawad-an sang control ang drayber kag natumba ang ginasakyan nila nga truck mobile bus sa national highway sakop sang Purok Sampaguita, Barangay Binicuil, Kabankalan City Martes sang hapon.
Sa imbestigasyon sang PNP, nagabyahe ang salakyan padulong sa Kabankalan Proper halin sa Binicuil.
Hinali lang nga nadulaan sang kontrol ang driver nga gintunaan sang pagdalagan sang salakyan sa natuo nga bahin sang dalan kag nabungguan ang pader sang isa ka balay.
Nabungguan pa gid sini ang isa ka poste kag tubular post nga ginapanag-iyahan sang isa ka telco company.
Gilayon naman nga gindala ang mga ini sa hospital para sa nagakaigo nga pagbulong.