Rescue operation ang ginmando ni Bacolod City Mayor Greg Gasataya, kasunod sang reklamo nga may mga nagapang-harass nga naga pangayo-kayo kag naga-pwersa sa publiko nga maghatag sang kwarta.
Suno kay DSSD Head Dr. Richelle Verdeprado-Mangga, ang mga gin-rescue ang ginpaidalum sa assessment kag case management samtang gin pasiguro ang ila proteksyon.
Ang mga menor de edad ginbalik sa ila pamilya matapos ang proseso kag ang iban ginpabutang anay sa temporary shelter.
Ang operation ang kabahin sang City Ordinance No. 146 s. 1995 nga naga-regulate sang mga naga pangayo-kayo kag ginpatigayon sang DSSD, BCPO, City Legal Office, DRRMO kag CMO.
Ginpahanumdom man ni Mangga ang publiko nga likawan nga maghatag kwarta sa mga nga pangayo-kayo bangud ini ang gina dumili-an sa idalom sang City Ordinance No. 146, kag may nagakaigo nga multa.
[sibwp_form id=1]