Ginsiling ni Levy Pangue, pamuno sang City Legal Office Enforcement Team, nga wala pa maka renew sang business permit ang mga establisimiento sa sulod sang Lopue’s East Center rason nga ginpang-sirad-an na nila ini.
Sa 19 ka mga baligyaan nga ginsira, may iban sa ila ang suno kay Pangue wala gid ya makakuha sang business permits samtang ang iban naman ang wala pa maka renew.
Dugang pa niya, antes ang pagsira sini, ginsunod sang CLO ang due process. Sang tinalikdan pa nga nga binulan na-serve sang CLO ang notice sa amo nga mga baligyaan.
Lakip sa mga ginsirad-an ang mga food stalls, pila ka mga baligyaan sang dry goods kag pati na bahin sang grocery store.
Suno kay Pangue, kinahanglan nga ang mga tenants sa sulod sang Lopue’s East ang magkuha ukon mag renew na sang ila business permit agud makabalik sila sang pagbaligya.
Nagapadayon ang closure operations sang CLO subong nga adlaw sa Barangay Villamonte.
[sibwp_form id=1]