5th district Representative Dino Yulo ang naga panawagan sa mga stakeholders nga kuntani maka pungko agudto maistoryahan kag maka patuman sang isa lang ka action plan kontra RSSI.
Suno sa kongresista sa iya nga bahin, siya ang naga suporta sang scientific based method kag gina tugyan niya na sa mga experts sa pag pat-od kun ano gid ang pinaka maayo.
Luyag niya sang hybid approach sa away kontra RSSI. Paathag niya sa mga areas nga heavily infested na sang RSSI, kinahanglan sang chemical spraying para gilayon nga masabat ang problema. Ini ang temporaryo lamang suno sa iya bangud sa dalayon maga shift naman sa biological control.
Sa tuman nga infestation sang RSSI suno sa iya indi ini masarangan sang biological control nga pamaagi bangud malawig ang ini nga proseso.
Una spraying sang chemical pag katapos ang pag tuman sang bilogical control. Dugay-dugay abri galing na suno sa iya kag sa amo nga tion madula naman ang RSSI.
Damlag pa ginsiling ni Governor Eugenio Jose Lacson nga maga “go green” ang Negros Occidental.
Si SRA Administrator Pablo Luis Azcona ang nagsiling nga immediate intervention ang kinahanglanon kontra RSSI kag ang natural nga pamaagi indi solusyon.
“Ang akon amo ni hu: naga panawagan kita nga tani maka pungko ang tanan nga stakeholder kag isa lang ang aton nga action plan kag action program para sa bug-os nga probinsya or bug-os nga isla. Tinion na nga mag isa kita para sa industriya. Tinion na nga aton kalimtan kun ano gid man ang aton interest sa industriya man ukon sa pulitika para sa kamaayuhan sang mga pumuluyo”, suno kay Yulo.
Sa pihak nga bahin, may pag pang-atake man sang army worms sa mga kamaisan sa nabukid nga bahin sang Moises Padilla kag Isabela. Bagay nga dapat man gilayon nga aksyon kag indi na paghulaton nga mag lapta pa gid.
[sibwp_form id=1]