Halin sa iya ulobrahan ang 19-anyos nga rider sang siya ang nakabunggo sa naga-park nga Isuzu 10-wheeler sa atubang sang Homes Royale sa Barangay Alijis, Bacolod City, Domingo sang kaagahon.
Bangud sang impact, naguba ang motor sang biktima nga si alyas “Dennis”, taga Brgy. Cabug sa Bacolod.
Nag-gwa sa imbestigasyon nga padulong sur sang Circumferential Road ang motor sang nakabunggo ini sa pang-ulihi nga bahin sang nagapondo nga truck.
Nakaangkon ang rider sang madamo nga pilas sa iya ulo kag iban pa nga parte sang iya lawas nga nangin rason sang iya kamatayon.
Ginsiling ni Police Major Elmer Bonilla, chief sang Traffic Enforcement Unit, ila pa ginahibalo kun may early warning device ang nagapundo nga truck apang base sa ila imbestigasyon madulom ang area.
Suno sa tag-iya sang truck, isa na ka semana nga yara sa lugar ang truck kag ginakay-o bangud sang guba nga radiator.
[sibwp_form id=1]