Patay ang isa ka 19 anyos nga rider sang makabunggo sa center island sa siudad sang Talisay.
Wala na makaluwas pa kag napatay ang 19 anyos nga rider tuga sang naangkon nga mga pilas sa lawas sang makabunggo ang iya ginamaneho nga motorsiklo sa center island sa Bangga Dose sa Barangay Zone 1 siudad sang Talisay sang Miyerkules sang gab-i.
Nawasak ang bahin sang motorsiklo bangud man sang kabaskog sang pagkabunggo.
Ang biktima ang residente sang Hacienda Sagrado 3 sa Barangay Zone 16 sang amo nga siudad.
Sa pagpang-usisa sang katapo sang Talisay City Police, halin sa Silay City padulong sa Talisay City proper ang biktima sag nadulaan ini sang kontrol sa manubela kag nagrekta ang motorsiklo sa center island.