Sa nagligad lamang nga tatlo ka adlaw masobra sa 18,000 ang nagdugang nga apllicants para sa voter’s registration sa Negros Occidental lakip na ang Bacolod.
As of July 18, 67,843 ang nag apply sa voter’s registration suno sa Comelec – Negros Occidental kag sa datus sang kahapon, July 21 nagdangat na ini sa 86, 582.
8,812 diri ang sa Comelec-Bacolod. Suno kay Provincial Elections Supervisor, Atty Ian Lee Ananoria, mataas ang turn-out karon labi na nga nag baton man sang transfer para sa voter’s registration.
Pero, namutikan man nga halos katunga sa mga nag parehistro mga pamatan-on. Nagapati si Ananoria nga mataas karon ang political awareness sang mga kabataan kag mahimo nga dala naman ini sang impluwensya sa ila nga social media.
Bwas na ang katapusan nga adlaw para sa voter’s registration para sa SK kag Barangay Elections. Wala na sang extension suno kay Ananoria. May pagduso man sang postponement pero tubtob nga wala sang laye maga padayon ang Comelec sang pagpanghanda para sa December 5 nga piniliay.
Kun tigayon gid man ma postpone mahimo nga mag resume ang voter’s registration sa Oktubre suno kay Ananoria.