Suno kay Police Brigadier General Arnold Thomas Ibay, Regional Director sang PRO NIR, asphyxia by ligature ukon ang pag kakuga sa biktima ang nangin kabangdanan sang iya nga kamatayon base autopsy result.
May presensya man sang semilya sa lawas sang biktima nga posible indikasyon nga nahimuslan siya.
May duha ukon sobra pa ang persons of interest nga padayon nga gin-imbestigaran ang PNP suno sa kay Ibay.
Gintukod na sang Bacolod City Police Office ang Special Investigation Team “Found Dead Body” agud mapadasig ang imbestigasyon sa kaso kag may mga CCTV footages nga gina tun-an ang PNP.
Nagpasalamat man si Ibay kay Bacolod City Mayor Greg Gasataya sa ₱100,000 nga reward moneya para sa sin-o nga makahatag sang impormasyon ukon makatudlo sa mga suspek.
Sang nagligad nga semana sang masapwan ang bangkay ni alias Freya sa kakugnan sa Reclamation Area sa Bacolod nga wala sang pang idalom nga bayo kag nakahigot ang kamot.
Si Freya ang trainee sa isa ka construction material supplier sa Bacolod.*