Risk classification sang lugar dapat i-consider sa gina plano nga pagbalik sang face to face classes.
May 16 ka mga eskwelahan sa sa Negros Occidental kag Bacolod nga nalakip sa 29 tanan ka mga eskwelahan nga iga-assess sang Department of Education para sa ginadihon nga pagbalik sa face to face classes sang mga estudyante.
Kalabanan diri ang mga eskwelahan nga yara sa remote areas nga may manubo kag wala sang Covid-19 cases.
Suno sa katapo sang Center for Health and Development sang Department of Health 6, dapat i-consider ang risk classification sang isa ka lugar antes pa man sugdan ang pagpatuman sang face to face classes.
Ini bangud man sang nagasaka nga covid 19 cases kag nagaluntad nga clustering of cases tuga sang mas makalalaton nga variants of concern.
Ang Bacolod City kag Negros Occidental ang lunsay ginakabig yara sa high risk tungod yara na sa critical ang health care utilization capacity rate kag
Napaidalom man sa alert level 4 kun diin ginadumilian gihapon ang pag-gwa sa balay sang mga 18 anyos panubo kag 65 anyos.
Pasaka pati na ang mga may co-morbidities kag nagabusong . Ini magluwas lang kun sila ang may importante nga trabaho ukon mga balaklon.