Indi na pwede nga makakuha pa ukon maka angkon sang driver’s license ang 16 tanan ka mga persona base sa announcement sang land Transportation Office 6 sa ila nga Facebook page.
Base sa post, ini ang naga lakip sang mga persona nga nag viral sa social media parehos na lang sang lalaki nga nag ala superman samtang sakay sa motorsiklo sa banwa sang Don Salvador Benedicto.
May isa man ka babaye nga driver nga taga Bacolod nga nadakpan nagpa renew sang peke nga driver’s license.
Suno sa kay Atty. Gaudioso Geduspan II, ang regional director sang LTO Region 6, ang desisyon ang para man sa safety sang publiko kag para mapalab-ot ang mensahe sa publiko.
Isa ka sala nga desisyon nga mapalapta sa social media ang sarang magresulta sa penalidad sa isa ka driver.
28 tanan ka mga persona ang ginbawian sang lisensya kag 9 naman ang gin-suspend humalin Enero tubtob Oktubre sini nga tuig.
280 na tanan ka mga violators ang gin show cause order sang LTO sini nga tuig kag 132 diri nga mga kaso ang na resolve na.
Tanan nga mga na disqualify ang ginbutang na sa alarm list para masiguro nga indi na sila maka maneho pa sang salakyan ukon motorsiklo.