Pasado las kwatro sang hapon sang Lunes sang gin tuparan sang isa ka lalaki nga pasahero ang isa ka 16 anyos nga babaye nga estudyante sa front seat sang Taculing-Central Market nga jeep.
Nakibot na lang ang menor de edad sang mabatyagan nga yara na ang kamot sang lalaki naga uyat sa iya nga dughan.
Nagpanaog gilayon ang pasahero sa may bangga sa tupad sang Citi Grand Inn sa Taculing sa Bacolod City.
Pag abot sa ila balay nanugid ang 16 anyos sa iya mga ginikanan kag gilayon nila gin report sa Police Station 6 ang insidente.
Nagapangayo sang bulig ang pamilya sang biktima sa pagkilala sa lalaki para mapaskaan sang reklamo.