15 ka soldado ginpasidunggan bangud sang madinalag-on nga mga engkwentro kontra sa mga rebelde.
Nakabaton ang mga soldado sang gold kag silver cross medals halin sa VISCOM Commander sa Camp Gerona, Murcia sang Miyerkules.
Personal nga ginhatag ni Lieutenant General Benedict Arevalo, Commander sang Armed Forces of the Philippines’ Visayas Command ang gold kag silver cross medals sa 15 ka mga soldado sang 62nd IB, 79th IB kag 94th IB.
Ang paghatag sang gold cross medals ang may angut sa madinalag-on nga engkwentro batuk sa mga rebelde.
Samtang ang silver cross medals naman ang may angut sa intelligence operations nga ginpatigayon sang mga soldado batuk gihapon sa mga rebelde.
Si Arevalo man ang nag hatag sang “Working Dog Achievement Medals” sa duha ka mga aspin nga sanday “Mugie” and “Puti” nga nagbulig sa katapo sang 302nd Infantry Brigade para matigayon ang madinalag-on nga encounter batuk sa mga rebelde sa Sta. Catalina, Negros Oriental sang Aug. 26.
Ginpatigayon ang ceremony sa Tanjay, Negros Oriental sang Martes.