Shadow

15 ka mga stalls sa Manokan Country nga wala maka bayad utang ginsirad-an

YouTube player

Nakibot na lang ang pila ka mga customer sang sirado na ang pila ka mga stall sa Manokan Country.

15 tanan ang ginpasirad an sang City Legal Enforcement Unit matapos wala makabayad sang ila nga utang sa siudad ang mga tag iya.

Si Bernadette Posadas, 19 na ka tuig nga nagabaligya sa Manokan kag wala siya maghuna huna nga mapasirad an ang iya kalan an. Sa sais shientos mil pesos nya nga utang, trenta mil ang iya nabayad.

Wala pa man kalab ot sa iya nga stall ang enforcement team, naghingagaw na si Posadas kadto sa Bacolod City Government Center.

Pila sa iya mga kaupdanan nga stall owners wala napunggan ang kaakig samtang ginasirad an kag ginabutangan sang higot ang atubangan sang ila baligyaan agud indi na makasulod pa ang ila mga customer.

Suno kay Rey Demisana, team leader sang enforcement unit, nahatag na sang siudad ang tanan nga konsiderasyon para sa mga stall owners sang Manokan. Makaduha naman gani ka beses nga na condone ang penalty sa ila utang.

May tatlo na ang nakabayad sang ila utang sa siudad kag hilway nga nakapadayon sa negosyo. Nalakip diri ang pamilya Lim sang Nene Lim, Lion’s Park nga ginapanag iyahan ni Geraldine Tan kag Nicole’s sang pamilya Tabacug.

Nagpadayon man sa pag operate ang Aida’s Manokan, Velez, Nena’s Beth 1 kag Umbao nga wala naman sang utang sa siudad.

Masora pa sa P7M ang kabilugan nga utang sang mga vendors sa Manokan.

Secured By miniOrangeSecured By miniOrange