Kinse ka mga pamilya na-rescue sa bulig sang CityDisaster rescue team kag mga bombero sang nagluntad ang baha tuga sang mabaskog nga ulan sa Barangay Sum-ag sang Sabado.
May 30 man ka mga indibidwal ang gin evacuate sa Barangay Montevista.
Ginsulong sang katapo sang Bureau of Fire Protection Special Rescue Force Negros Occidental ang taga dughan nga tubig baha maluwas lang ang pila ka mga residente nga nabutang sa peligro tuga sang baha dala sang pagbunok sang ulan sa Purok San Jose 2 sa Barangay Sum ag sa Bacolod sang Sabado sang gab-i.
Upod ang katapo sang City Disaster Risk Reduction Management Office, may kinse tanan ka pamilya ang temporaryo nga nadala sa evacuation area.
Kinse ka dome-tents ang ginpahamtang sang siudad para sa ila.
May 30 man ka indibidwal ang nahingaw dala sang mga rescuer sa evacuation area sang magsaka man ang tubig baha sa Purok Riverside sa Barangay Montevista.
Pila pa ka mga lugar sa probinsya sang Negros Occidental ang apektado mo baha bangud sang mabaskog nga ulan nga epekto sang inter tropical convergence zone sang weekend.