800,000 pesos nga balor sang assistance ang gin-release kaina sang aga sang Overseas Workers Welfare Administration sa pagsaulog sang Migrant Workers Day.
Suno kay Rizza Moldes ang OIC sang OWWA Region 6, 29 ang nagbaton sang tig bente mil pesos nga cheke sa idalom sang Balik Pinas, Balik Hanap Buhay program.
ini ang isa ka livelihood program para sa mga na-displace nga trabahante, indi lamang tungod sang pandemic kundi pati man nabiktima sang pag pang abuso.
Onse naman ang nagbaton sang tig bente mil pesos nga check sa Pinas Ikaw ang Ma’am at Sir.
Ini naman ang programa para sa mga OFW nga ginhatagan sang Teacher One position diri sa Pilipinas.
Magluwas sini sila ang ginhatagan pa gid sang teaching kit nga naga balor sang tig bente mil pesos.
Nagakasayuran suno kay Moldez nga may job placement sila kag may teaching kit pa gid.
Suno kay Governor Eugenio Jose Lacson nakit-an sang gobyerno ang epekto sang pandemya sa mga migrant workers.
Ginalauman nga paagi sa reintegration kag livelihood program mabuligan ang panibag-o nga panugod sang mga benepisyaryo.
Ang mga benepisyaryo ang gikan sa nagkalain lain nga banwa kag siudad sang probinsya.