13 ka mga job order workers sa San Carlos City ang nag positibo sa pag gamit sang iligal nga droga sa nagkalain-lain nga drug testing nga ginpatigayon sini nga bulan sang Nobyembre.
Ini suno kay San Carlos City Mayor Renato Gustilo nga nag siling man nga sa sini nga bulan sang Nobyembre 707 ka mga regular, casual kag job order workers ang gin paidalom sa drug testing.
Ang pinaka ulihi nga drug test gin nga patigayon amo yadtong sang Nobyembre 25 kun sa diin 73 ka mga regular kag job order employees sang Public Employment Services Office kag Information Technology and Computer Services Office ang ginpaidalom sa testing.
Regular nga naga patigayon sang random drug test ang San Carlos City sa pag pasiguro sang isa ka drug-free workplace.
Samtang, 56 naman ka mga Community-Based Drug Rehabilitation Program graduates sang Barangay Punao sa San Carlos City ang nag paidalom sa drug testing sadtong Nobyembre 26.
Ini ang kabahin sang ila nga aftercare program.
“Sang first week of November damo damo casual. Yes damo mga job order nag positive”, suno kay Gustilo.