Tatlo sa bente ka specimen sample nga gina test sa molecular laboratory sa Teresita Lopez Jalandoni Provincial Hospital ang positibo sa Covid-19.
Ini sandig sa datus humalin Hunyo uno tubtob 7 sang amo nga molecular lab.
668 ang Covid-19 positive sa 4,790 ka specimen nga gin test sa June 1 to 7, ukon 13.95 percent nga positivity rate.
Suno kay OIC chief of hospital Dr Mary Ann Maestral mataas na ini nga positivity rate.
Pero kun ipaanggid sa datus sang iban nga molecular lab, manubo ang iya sang TLJPH. Suno kay Dr Maestral ini natungod naga patigayon sang border control ang probinsya kag massive contact tracing.
Ang iya sang mga molecular lab sa mga ospital ang mga gina swab mga symptomatic na nga daan.
Samtang, may 160 ka bag-o nga Covid-19 cases nga na-record ang probinsya sang Negros Occidental kahapon, Hunyo 6.
Duha naman ang na-record patay, isa ang gikan sa Binalbagan kag isa sa Kabankalan. Sa datus sang probinsya isa ka sanitary inspector gikan Sipalay City ang napatay nga taga Kabankalan.
41 naman ang recoveries kahapon.
As of June 6, sa datus sang Provincial Incident Management Team, 1,842 ang active Covid-19 cases sang Negros Occidental.
Suno kay Atty Rayfrando Diaz, provincial administrator kun ipaanggid ang sitwasyon subong sa Abril mas maayo na lang subong. Indi man gutok ang quarantine facilities.
Suno kay Governor Eugenio Jose Lacson naga pabilin nga low risk ang Negros Occidental rason nga yara ini sa gihapon sa modified general community quarantine.
Damlag pa nag mando na ang gobernador nga 30 percent sa venue capacity ang ipatuman bahin sa mass gathering.