Dose ka mga banwa kag siudad ang nagbaton sang masobra sa dos mil kwatro sientos ka Sinovac vaccine subong nga adlaw.
Suno kay Provincial Administrator Rayfrando Diaz padayon ang rollout sang bakuna kag nagahulat pa ang probinsya kun may maga abot naman nga bakuna gikan sa national government.
Pero damlag pa ginsiling na sang DOH nga kada duha ka semana may maga abot nga supply.
Sa July 1 to 8 nga report sang probinsya 21,388 ang napang dul-ong nga bakuna kag 19,645 diri ukon 92 percent ang na utilize.
Suno kay Diaz, nagkalain lain naman demands para sa bakuna sa kada LGU. Ang mga ginakabig economic centers ang may daku nga demand.
Kun nag zero man ang La Castellana sa amo nga report, ini natungod ang rollout sa banwa July 9 na kag ang report tubtob lamang sa July 8.