Pinaka ulihi nga tigayon nga napa pauli sa Bacolod ang 72 ka mga Bacolodnon gikan sa Afghanistan tuga sang kinagamo sa amo nga pungsod.
Suno sa chairman sang Action Team on Returning OFWs (ATRO) nga si Councilor Israel Salanga sa 11,000 ka mga nabaton kag nabuligan nila nga mga OFW nga maka pauli, 30% diri tigayon na nga naka balik sa mga pungsod kun sa diin sila naga trabaho.
Tubtob subong padayon ang repatriation sang mga OFW gikan sa nagkalain lain nga mga pungsod kag naga average ang Bacolod sa 15 ka OFW sa kada adlaw.
Suno kay Salanga sa sini nga accomplishment sang ila team, ila gina dumdom ang ila kaupod nga si Jesryl “Jaz” Bancaya nga ila gina kabig bilang isa ka fallen hero.
Subong nga adlaw ang iya una nga death anniversary. Napatay siya bangud sang COVID-19 kag tubtob sa iya death bed, iya sa gihapon gina pensar ang pagpasiguro nga luwas sa katalagman nga maka pauli ang mga Bacolodnon nga mga OFW sa ila tagsa ka mga pamilya.