Onse ka mga kumpanya ang nagpakita sang interes para sa Negros Occidental Bulk Water Supply Project.
Kaina sang aga ginpatigayon sa Social Hall sang Provincial Capitol ang pre-bid conference kun sa diin ginpatpat ang mga requirements kag qualification para sa maga bid sa 1.2 billion peso project nga ang tuyo magasabat sa problema sa kakulang sa water supply.
Suno kay Negros Occidental Governor Eugenio Jose Lacson, ang onse ka kumpanya nga nagbakal sang bidding documents nga naga bili 150,000 pesos, nagalakip sang:
Manila Water Philippine Ventures, Inc.
Balibago Waterworks System, Inc.
First Balfour Inc.
Prime Water Resources Inc.
Bw Water, Inc
Aboitiz Infracapital, Inc.
Primewater Infrastructure Corp.
MacroAsia Properties Development Corporation
Maynilad Water Services Inc.
San Miguel Holdings Corp.
M.E. Sicat Construction, Inc.
Isa sa mga requirements amo nga dapat ang proponent naka patuman naman sang kasubong nga proyekto nga tigayon naka produce sang indi magnubo sa 20 million liters per day.
Suno kay Lacson, kun sin-o gid ang maga drop sang bid mismo sa natalana nga bidding sa Hunyo ang maga pat-od sang tanan.
Ang service coverage area sang proyekto ang nagalakip sang Bacolod City, EB Magalona,Manapla, Silay City, Talisay City kag Victorias City.
Ginalantaw ang Imbang River kag Malogo River nga mangin source sang surface water. Ang proyekto ipaidalom sa isa ka private public partnership.
“I asked our partners sa PPP Center, based on experience can you tell whether the interest of our prospective bidders is solid and he said yes because they really ask very intelligent questions. So we’re positive right now. The day of reckoning really is the day they drop their bid”, suno kay Lacson.