Mga commercial establishment ginapahanumduman nga dapat batunon ang mga PWD ID samtang ginapatuman ang proseso sa pag-recall.
Sa Lunes pa magasugod ang DSSD-Person with Disability Affairs Office sa pag-issue sang temporary certification kabaylo sang iga-surrender nga PWD ID.
Ini kasunod man sang pag-recall ni Mayor Albee Benitez sang mga PWD IDs nga gin-issue sang Bacolod LGU agud nga ini ang mailisan kag butangan sang QR codes para indi madali nga ma-peke.
Pero may mga reklamo na nga nabaton ang katapo sang City Mayor’s Office gikan sa mga PWD ID holders bangud may mga commercial establishment na nga wala naga kilala sang ila IDs para maka avail sang discount.
Ginsiling ni Secretary to the Mayor Atty. Karol Joseph Chiu, sarang pa nga magamit ang daan nga PWD ID tubtob Pebrero 29 gani nagapahanumdom sila sa mga commercial establishment nga dapat kilalahon ang mga PWD IDs pati na ang mga iga-issue nga temporary certificates.
Ang DSSD magatalana sang satellite offices sa SM City Mall kag Ayala Capitol Central.
Pwede maka register online kag magapatigayon man ang DSSD sang house visit para sa mga PWD beneficiaries nga bed ridden para sa issuance sang bag-o nga ID cards.