Anum ka mga balay ang totally destroyed kag lima ang partially damaged sa nagluntad nga sunog sa Purok Roadside, Brgy. Tangub, Bacolod City, pasado las 3 sang hapon kahapon.
Sa report sang Bureau of Fire Protection, nagsugod ang kalayo sa puluy-an ni Silfa Nolasco.
Nagdangat sa second alarm ang sunog kag napalong ini las-3:45 sang hapon.
Ang mga nasunugan nga pamilya ang gindala naman sa Rodolfo A. Medel, Sr., Elementary School sa Brgy. Tangub.
Nagdangat tanan sa P600,000 ang halit nga gindala sang kalayo.