Isa ka adlaw matapos malumos sa suba ang 11 anyos nga bata nga lalaki, nasapwan ang iya nga lawas sa Barangay Tampalon, Kabankalan City Lunes sang hapon.
Nag-gwa sa imbestigasyon sang Kabankalan PNP nga naghagaday ang biktima kag ang duha niya ka mga pakaisa kag isa ka abyan nga magkadto sa suba agud nga manguha sang isda sadtong Domingo sang aga.
Nagkabalaka ang ginikanan sang biktima mga las 8 sang gab-i sang wala pa ini makapauli.
Nanugid ang abyan sang biktima nga naligo sila sa manabaw nga bahin sang suba apang gulpi lang nga nakakadto sa madalum nga porsyon ang biktima kag nalumos.
Nagpatigayon sang search and retrieval operations ang Kabankalan City Disaster Risk Reduction and Management Office, upod ang Philippine Coast Guard kag narekober ang lawas sang biktima.
Gindala ang bangkay sa punerarya para sa post-mortem examination.*