Kapin 100,000 ka mga ido kag kuring target nga mabakunahan sa pagsaulog sang Bacolod Pet Festival sa Marso 29 asta Abril 6.
Sa Marso 29 magabukas ang nahauna nga Bacolod Pet Festival sa Panaad Park and Stadium paagi sa pagahiwaton nga pet walk.
Sa Abril 4 suguran ang pet registration sa tuyo nga ma-account ang tanan nga mga hinuptanan agudto mas mangin mahapos ang pag palab-ot sang mga benepisyo kag program sang siudad paagi sa City Veterinary Office.
Ginpahayag ni Assistant City Veterinarian, Dr. Jec Cabuguason, kabahin sa tinutuyo sang siudad dungan sa pagsaulog sang Anti- Rabies Awareness Month ang pagpatuman sang massive vaccination sa mga hinuptanan nga ido kag kuring.
Indi magnubo sa 100,000 ka mga pets lakip na diri mga layaw nga ido kag kuring ang gina-target mapabakunahan sang City Veterinary Office para mapabaskog ang kampanya kontra rabies.
Ang katapo sang City Veterinary Office ang maga pamalay-balay agud magpatuman sang vaccination sa mga barangay.
Ang Pet Festival ang magalawig tubtob Abril 6.