Ang housing project sa Barangay Vista Alegre ang natalana i-turnover sa mga benepisyaryo sa sini nga Enero 20.
Sa ginpatigayon nga executive – legislative agenda upod sa katapo sang konseho kabahin ini sa ginpatpat man ni Mayor Albee Benitez sa napulo ka major infrastructure projects nga luyag niya matagaan prayoridad agud matapos antes sang tuig 2025.
Nalakip diri ang construction sang Skate Park nga matapos sa Pebrero, ang water fountain project sa Bacolod Public Plaza kag Bacolod City Government Center, Manokan Country Development Project, New Burgos Public Market, construction sang City Health Office medical complex kag ang Legislative Building project.
Ginalauman sang alkalde nga masuguran pati ang construction sang Recycling Facility sa Barangay Felisa kag ang tree park project.
Sa sini man nga tuig ginapaabot ni Benitez nga matapos ang city coliseum project.
Upod man sa luyag tagaan atensyon sang alkalde ang pag review sang mga ordinansa agud mapasakaan pa ang mga penalidad.