Nakatapos sa ila kinse ka adlaw nga training para sa hilot ukon wellness massage NC 2 ang napulo tanan ka anay katapo sang New People’s Army.
Ini pinaagi sa bulig sang Guihulngan City Task Force to End Local Communist Armed Conflict kaupod ang Technical Education and Skills Development ukon TESDA kag 62nd Infantry Battalion.
Nakabaton man sang tig 160 pesos kada adlaw ang mga nagpaidalum sa training. Ini ang magaserbe man nga dugang nga ihibalo kag dugang nga palangabuhian sa mga benepisyaryo sang nasambit nga training.
Magapadayon naman ang 62nd IB sa sini nga inisyatibo sang mga local government unit para sa mga anay katapo sang rebelde para may yara sila sang income sa ila pagbalik sa sabak sang gobyerno.