Patay ang pedestrian nga si Dindo Layan matapos mabungguan sang isa ka depasahero nga jeep sang Biyernes sang gab-i sa highway sa Barangay Bata sa Bacolod.
Suno kay Police Staff Sargeant Bryan Cordero, traffic investigator, nagtabok sa dalan si Layan ugaling na alang alang siya bangud sang naga hagunos nga salakyan nga naga pang busina gani siya ang nag isol kabangdanan nga na igu siya sang jeep. Dead on the spot ang biktima.
Samtang sang Sabado sang gab-i, pilason naman ang driver sang tricycle kag pasahero nga menor de edad matapos mabungguan sang motorsiklo sa Highway bahin sang Barangay Cabug.
Sa imbestigasyon sang PNP, nag U-turn ang tricycle nga gina dala ni Elmer Delgado matapos mahulog ang kalo sang iya pasahero, pero samtang naga u-turn, siya ang nabungguan sang naga sunod nga motor nga ginadala naman ni Rirzard Bionat. Pilason man si Bionat bangud sang pag bunggo.
Sang kagab-i naman, nag takilid sa dalan sa Barangay Sum-ag ang isa ka carry matapos mabungguan sang awto.
Suno sa pulis, nagapa liko sa dalan Araneta ang carry nga halin sa bangga sang ini ang mabungguan sang awto nga naga dalagan naman diretso sa dalan Araneta.
Nag tinguha pa suno sa pulis mag likaw ang driver sang awto nga si Martin Foz pero iya naigu ang carry nga nagtakilid sa dalan.
Pilason ang driver sang carry nga si Jose Sombero pati na ng iya upod.