Shadow

Apat ka separado nga enkwentro sa tunga sang army kag NPA nag luntad sa Guihulngan city sang Sabado

Yara sa gihapon sa karon ang mga tropa sang Philippine Army sa Barangay Trinidad kag Barangay Sandayao sa Guihulngan City, Negros Oriental kun sa diin nagluntad ang 4 ka separado nga enkwentro sang Sabado.

Suno kay Major Cenon Pancito, spokesperson sang 3rd Infantry Division, nag luntad ang enkwentro ala 1, ala 1:20 kag ala 1:40 sang hapon sa Barangay Trinidad kag alas 4:30 naman sa bahin sang Barangay Sandayao.

Lain lain man nga tropa ang naka enkwentro sang ginabilubanta 20 ka mga miyembro sang NPA suno kay Pancito bangud sa sila ang nag dugang na sang tropa sa area agud ma siguro nga indi na makapalagyo pa ang mga rebelde.

Wala sang reported nga casualty sa bahin sang army suno kay Pancito kag wala PA man sila may nahibaluan sa bahin sang tropa sang mga rebelde.

Posible suno kay Pancito nga yara pa sa gihapon sa area ang mga rebelde gani padayon sa karon ang operation sang army.

Secured By miniOrangeSecured By miniOrange