![](https://i0.wp.com/digicastnegros.com/wp-content/uploads/2023/11/403399838_328206449950613_3320828430572321373_n.jpg?resize=810%2C456&ssl=1)
Nag nilapta sa dalan ang sakay sang tricycle matapos nga mabungguan sang truck nga may karga nga tubo sa highway sang Brgy. Alicante sa EB Magalona kahapon.
Ang napatay nga tricycle driver ginkilala kay Nilo Liboon, samtang ang iya mga pasahero ginkilala nga sanday Wilma Liboon, utod sang driver, kag Aljon Edroso lunsay mga residente sang Brgy. 10 sang Victorias City.
Samtang ang driver sang trailer truck ginkilala sa kay Erwin Melocoton.
Suno sa kay Police Captain Michael Laganipa ang Deputy Chief of Police sang EB Magalona PNP, gikan sa norte ang motor samtang gikan sa sur naman ang truck.
Ginlikawan sang tricycle ang nagtabok nga persona kag naglapaw ini sa iya nga lane kag nabungguan ang nagasugata nga truck nga may karga nga tubo.
Ginhingagaw dala sa ospital ang mga biktima apang napatay si Nilo kag padayon pa nga gina bulong sa ospital ang iya nga mga pasahero.
Sa karon ginahulat pa sang PNP ang desisyon sang pamilya ka mga biktima sa aksidente kun mapasaka sila sang kaso batuk sa driver sang truck.