Patay ang back-rider samtang pilason ang driver sang motorsiklo matapos sila ang makabunggo sa pickup sa Sitio Orong, Barangay Guintubhan sa banwa sang Isabela.
Nag-gwa sa imbestigasyon nga gikan Himamaylan City kag padulong Barangay 9 sa Isabela ang Rusi nga motor nga ginamaneho ni alyas “Ar-Ar”, 20-anyos, kag angkas si alyas “Dan”, 44-anyos, pareho nga taga Isabela.
May ginlikawan ang motor nga tawo nga nagalakat sa dalan rason nga naglapaw ini sa pihak nga lane kag nakabunggo sa nagapadulong nga pick up.
Nakaangkon sang pilas sa iya siko kag batiis ang driver nga karon yara sa ospital, samtang dead on arrival sa ospital ang back-rider bangud sang head injury.*
[sibwp_form id=1]