Naga inom lang sa balay sang iya bayaw nga may birthday kagab-i sa Barangay Minoyan sa Murcia, ang biktima nga si Arnold Saldo sang hinali na lang nga mag abot ang apat ka mga armado.
Suno kay Captain Jerald Muya, hepe sang Murcia PNP, gilayon na lang gin paarakan sang tiro si Saldo nga nag resulta sang iya kamatayon.
Nasalabat ang upod ni Saldo nga naga inom nga si Romel Tabara. Pilason si tabara kag gina bulong karon sa ospital.
Dugang pa ni Muya, iligal nga droga ang posible motibo sa pag patay kay saldo. Nadakpan siya sadto sa kaso may kaangtanan sa iligal nga droga gani ini ang ila gina tutukan sa karon.