Ipalab-ot sang Senate blue ribbon committee sa office of the ombudsman ang ila rekomendasyon sa pagpasaka sang kaso administratibo kag kriminal batuk sa opisyal sang Department of Agriculture kag tatlo ka mga anay opisyal sang Sugar Regulatory Administration bangud sa kontrobersyal nga Sugar Order No. 4.
Nalakip sa ginaduso nga pasakaan sang kaso sa Office of the Ombudsman amo sanday suspended Agriculture Undersecretary Leocadio Sebastian, anay SRA administrator Hermenegildo Serafica, anay Sugar Board member Roland Beltran kag anay Sugar Board member Aurelio Gerardo Valderrama Jr nga presidente sang Vicmicco planters Association.
Base sa report sang komitiba, base sa preliminary evidence on record, ang apat, nga nag pirma sang Sugar Order 4, ang nakahimo sang administrative offenses kaangay sang serious dishonesty, grave misconduct, gross neglect of duty, conduct prejudicial to the best interest of the service, kag gross insubordination.
Suno sa committee report, ang criminal charges ang ginalakipan sang graft and corruption, agricultural smuggling, kag usurpation of official functions.
Para kay Valderrama wala sang basehan kag sala ang mga akusasyon batuk sa iya.
Siya ang una nga ginpa pirma sa sugar order kay gin hambalan siya nga urgently needed ini sang palasyo.
Wala man siya makahibalo nga gin pirmahan ni Sebastian ang SO4 in behalf sang presidente kay gin balik ini sa board matapos niya gin pirmahan.
Pero nagapati naman si Senate President Miguel Zubiri, nga may isa ka mastermind sa importation sang kalamay kag mahimu na-mislead sanday Beltran kag Valderrama para magpirma sa Sugar Order no. 4.
Igadugang ini sang senador nga ammendment sa ila ipadala nga recommendation sa Office of the Ombudsman.